Dodoma      27/11/25

Mfuko wa Taifa wa Bima ya afya (NHIF) umekutana na wadau wa matibabu ya huduma za upandikizaji wa vifaa saidizi Jijini Dodoma ili kujadili maboresho ya kifurushi cha mafao hususani katika eneo la matibabu ya huduma za upandikizaji wa vifaa hivyo.

Akizungumza katika ufunguzi wa kikao kazi hicho  Mkurugenzi Mkuu wa Mfuko wa Taifa wa Bima ya Afya Dkt. Irene C. Isaka amesema kumekuwa na mapitio mbalimbali ya vifurushi vya mafao vya NHIF. Hata hivyo maeneo ya  vifaa tiba pandikizi yalibaki kama yalivyokuwa kutokana na kukosekana kwa taarifa toshelevu za kuwezesha kufanya maamuzi.

 Dkt. Isaka alisema malipo ya vifaa tiba pandikizi yamekuwa yakiongozeka kila mwaka
 Kwa mwaka 2021/2022 Mfuko ulilipa shilingi bilioni 1.4, mwaka 2022/2023 mfuko ulilipa bilioni 2.5 na mwaka 2023/2024 malipo  yameongezeka hadi kufikia shilingi bilioni  3.07 

Pia, Dkt. Isaka amesema eneo kubwa linaloleta changamoto ni eneo la upatikanaji wa vifaa hivyo.  Kila mtoa huduma amekua akiagiza kulingana na upatikanaji wake wengine wanaagiza kutoka China wengine nchi za Ulaya na Marekani n.k.

Hivyo kikao kazi hiki kina malengo yafuatayo;- 
•    Kuweka vigezo vya msingi vitakavyotumika kama rejea ya gharama za huduma za upandikizaji wa vifaa saidizi.
•    Kujengeana uwezo wa hospitali zetu kuweza kutumia vifaa saidizi
•    Kuangalia changamoto zinazojitokeza katika utoaji wa huduma pandikizi za vifaa saidizi.

Hivyo kikao hiki kinatarajiwa kuja na suluhisho la pamoja.

 Matokeo ya kikao kazi hiki  ni pamoja na kupendekeza miongozo na gharama za huduma ya upandikizaji wa vifaa saidizi  ambazo zitawezesha Mfuko kushauri mamlaka husika namna bora ya utekelezaji.

Hii itasaidia  kuondoa malalamiko kwa wanachama na Watoa huduma

Mkurugenzi Mkuu aliwashukuru sana Washiriki (madaktari bingwa, wawakilishi wa TMDA, MSD pamoja na wasambazaji wa vifaa kwa mwitikio mkubwa wa kushiriki katika kikao hicho muhimu. 
Kwa niaba ya management Mkurugenzi Mkuu aliahidi ushirikiano na wadau.

Kwa upande wake Dkt. Laurent Mchome toka Taasisi ya Mifupa MOI ambaye ni Daktari bingwa wa mifupa na mishipa ya fahamu alipongeza hatua ya NHIF kukutana na wadau, kuhusu suala hili muhimu ambalo limesubiriwa kwa muda mrefu
Naye mkurugenzi wa huduma za Tiba na Ushauri wa Kitaalam toka NHIF  Dkt. David  Mwenesano aliwapongeza washiriki kwa michango inayoleta ufanisi katika huduma hii muhimu.

Bima ya Afya kwa Wote, Jiunge Sasa